Gŵyl Rhif 6 yn ei hôl yn 2020

Diweddarwyd  

Côr y Brythoniaid yng Ngwyl Rhif 6

Llun cyhoeddusrwydd

Mae un o drefnwyr Gŵyl Rhif 6, sy’n digwydd y penwythnos hwn ym Mhortmeirion, wedi dweud wrth gylchgrawn Golwg y bydd yn dychwelyd yn 2020… ond ar raddfa lai, efallai.

Bydd yr ŵyl sy’n denu miloedd i arfordir Gwynedd ac sydd wedi ennill gwobrau lu, yn cael hoe am flwyddyn yn 2019.

“Bydd yn dda i’r pentref a’r tir gael seibiant am flwyddyn,” meddai Meurig Jones, Rheolwr Digwyddiadau Portmeirion. “Efallai bydd eisio ailedrych ar un neu ddau o bethau.

“Mae hi’n reit anodd gwneud gŵyl ar benrhyn efo un ffordd i mewn ac allan i 15,000 o bobol. Pe tasan ni’n gallu edrych arno fo, efallai ei wneud o i edrych yn llai… Rydym ni’n mynd i gael sgwrs ar ôl yr ŵyl y tro yma.”

Ar ôl trafferthion mawr gyda llifogydd yn y maes parcio ar y Traeth yn 2016, mae’r prif faes parcio a’r bysus gwennol wedi symud i dir uwch ar fferm Llwyn Mafon Uchaf ar gyrion Garndolbenmaen.

“Ers symud, mae o’n lle iawn,” meddai Meurig Jones.

“Ond rydan ni eisio ailystyried popeth. Bydd yr ŵyl yn ei hôl yn 2020, a bydd hi ychydig bach yn wahanol.”

Bandiau Cymraeg yr ŵyl

Bydd Geraint Jarman yn perfformio ar y prif lwyfan b’nawn Sadwrn ac ymhlith y grwpiau eraill o Gymru sy’n perfformio mae Gwenno, Band Pres Llareggub a Yucatan.

Bydd gwledd o gerddoriaeth Gymraeg brynhawn a nos Sul gyda mawrion fel Anweledig, Meic Stevens ac Estella.

Mwy gan Non Tudur am Ŵyl Rhif 6 yn rhifyn wythnos yma o gylchgrawn Golwg

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed