Cyhuddo Undeb Amaethwyr Cymru o “gamarwain” tros daliadau Brexit

Diweddarwyd am  

Lesley Griffiths

Llun: Cynulliad Cenedlaethol Cymru CC 2.0

Mae’r Ysgrifennydd dros Faterion Gwledig, Lesley Griffiths, wedi beirniadu Undeb Amaethwyr Cymru (FUW) am “gamarwain ffermwyr” ynglun â’r taliadau y bydd y diwydiant yn ei dderbyn wedi Brexit.

Mae Undeb Amaethwyr Cymru wedi annog eu haelodau i wrthod cynigion Llywodraeth Cymru i gael gwared ar y Cynllun Taliad Sylfaenol a chyflwyno dwy raglen newydd yn ei le.

Mewn ymateb i hyn, mae Lesley Griffiths wedi cyhoeddi llythyr agored heddiw at holl ffermwyr Cymru yn egluro pam na fydd Cynllun y Taliad Sylfaenol yn addas i Gymru wedi Brexit.

Dywed hefyd y dylai ffermwyr fynegi eu barn trwy gyfrwng yr ymgynghoriad swyddogol sy’n cael ei gynnal gan Lywodraeth Cymru tan fis Hydref.

“Camarweiniol”

“Rwyf wedi manteisio ar bob cyfle dros yr haf i gyfarfod â ffermwyr mewn sioeau amaeth ac yn ystod ymweliadau eraill er mwyn trafod yr ymgynghoriad,” meddai.

“Mae angen i ffermwyr gydweithio â ni er mwyn sicrhau bod hyn yn gweithio ac nid yw ymgyrch diweddar a chamarweiniol yr FUW yn helpu’r sefyllfa.

“Dyma pam rwy’n ysgrifennu at holl ffermwyr Cymru heddiw er mwyn pwysleisio’r angen am newid.”

Wynebu heriau Brexit

Mae disgwyl i’r cynlluniau ariannu newydd ar gyfer y diwydiant amaeth ddod i rym erbyn 2025.

Yn eu plith, mae system o grantiau busnes a chronfa a fydd yn gwobrwyo ffermwyr am wella’r amgylchedd.

Mae Lesley Griffiths yn dweud y bydd heriau Brexit yn gwneud y system ariannu bresennol yn anaddas i ffermwyr Cymru.

Ychwanega y bydd y system newydd o daliadau yn “ffordd gynaliadwy o gystadlu” wedi Brexit.

Cefn Gwlad

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed