Galw am newid trefn gwyliau’r haf

Diweddarwyd am  

Dafydd Wigley

Llun o wefan Plaid Cymru

Fe ddylai Llywodraeth Cymru ystyried cynnal gwyliau haf ysgolion yn gynharach yn y flwyddyn, yn ôl yr Arglwydd Dafydd Wigley.

Yn ei golofn wythnosol yn y Daily Post, mae cyn-arweinydd Plaid Cymru yn tynnu sylw at y ffaith bod gan Lywodraeth Cymru’r pwerau i newid dyddiadau’r gwyliau.

Ac mae’n dadlau y dylwn gynnal gwyliau ysgolion rhwng mis Mehefin a dechrau Awst, yn hytrach na’u cynnal rhwng Gorffennaf a Medi, yr un fath â Lloegr.

Mae’n dweud bod y tywydd yn well ym misoedd Awst a Gorffennaf, ac y byddai trefn hwnnw yn golygu llai o straen ariannol ar deuluoedd.

“Pam na allwn ni gael rhywfaint o ddychymyg gan Lywodraeth Cymru tros y materion yma?” meddai Dafydd Wigley. “Onid yw hi’n hurt bod ysgolion yn torri am yr ‘haf’, fis ar ôl i’r haf ddod i ben?

“Does dim anghenraid bod Cymru yn dilyn Lloegr. Mae gan y Cynulliad Cenedlaethol y pŵer i newid dyddiadau gwyliau. Mi allan nhw fabwysiadu’r patrwm Albanaidd.

“A dw i’n amau y byddai hynny yn gwneud mwy o synnwyr i’r rhan fwyaf o ddosbarthiadau.”

Gwyliau byrrach?

Mae Dafydd Wigley hefyd yn tynnu sylw at y ddadl y gallai gwyliau byrrach, ond amlach, fod o fudd i blant yng Nghymru.

Gan gyfeirio at gynigion gan Llŷr Gruffydd, Aelod Cynulliad Plaid Cymru a’u llefarydd tros faterion addysg, mae’n dadlau y byddai’r diwygiad yn lleddfu’r straen ariannol ar deuluoedd.

“Gwnaeth [Llŷr] gynnig ein bod yn byrhau tymhorau ysgol, a bod gwyliau yn amlach a’n fyrrach,” meddai. “A’i ddadl oedd y byddai hynny’n creu fframwaith dysgu gwell.

“Yn ystod gwyliau ysgol hir mae plant yn anochel yn anghofio rhywfaint o’r hyn y maen nhw wedi dysgu. Mae cyfnodau gwyliau mor hir hefyd yn rhoi pwysau mawr ar gostau gofal plant.

“Mae’r costau yma yn taro teuluoedd incwm isel yn galed.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones