Atal protestwyr rhag paentio sloganau

 
Angharad Tomos yn annerch

Angharad Tomos yn annerch protest Cymdeithas yr Iaith yn Eisteddfod Caerdydd

(Llun Golwg360)

Fe gafodd protestwyr Cymdeithas yr Iaith eu hatal gan swyddogion diogelwch rhag paentio sloganau tros stondin Llywodraeth Cymru yn yr Eisteddfod.

Roedd yr ymgyrchwraig Angharad Tomos yn annerch criw o gefnogwyr yng nghyntedd Canolfan y Mileniwm pan geisiodd rhai, gan gynnwys Cadeirydd y Gymdeithas, Heledd Gwyndaf, ddefnyddio chwistrellau paent i ddifrodi arddangosfa’r Llywodraeth.

Fe ddaeth yr ymgais ar ddiwedd gorymdaith trwy’r ‘maes’ yn protestio yn erbyn yr hyn y mae’r Gymdeithas yn ddweud yw bwriad y Llywodraeth i wanhau’r ddeddf iaith.

‘Dal i baentio’

Fe roddodd Angharad Tomos enghreifftiau o achosion o faes budd-daliadau i’r sector preifat lle’r oedd hi wedi methu â chael gwasanaeth Cymraeg, neu fygwth gwasanaeth salach.

Roedd hi’n rhan o brotest enwog yn Eisteddfod 1989 pan gafodd slogan yn galw am Ddeddf Iaith Newydd ei chwistrellu tros stondin y Swyddfa Gymreig.

“Rydan ni’n dal yma ac yn dal i beintio sloganau am mai dyna’r unig iaith y mae’r Llywodraeth yn ei deall.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed