Cyn-reolwr BBC Cymru, Gareth Price wedi marw

Diweddarwyd am  
Llun du a gwyn o Gareth Price

Gareth Price yn yr 1970au

Llun: BBC Cymru

Bu farw cyn-reolwr BBC Cymru, Gareth Price, yn 78 oed. Fe fu’n gweithio i’r Gorfforaeth am 26 o flynyddoedd rhwng 1964 a 1990, ac yn gyfrifol am raglenni Cymraeg rhwng 1986 a 1990.

Cyn hynny, roedd yn gynhyrchydd ac yn Bennaeth Rhaglenni pan gafodd S4C ei sefydlu.

Gadawodd y BBC yn 1990 i fynd i weithio i Sefydliad Thomson.

Cafodd ei addysg yn Aberaeron ac yng Ngholeg Prifysgol Aberystwyth cyn mynd yn ddarlithydd cynorthwyol ym Mhrifysgol Queen’s, Belfast.

Roedd yn Gymrawd ym Mhrifysgol Aberystwyth, ac fe dderbyniodd Fedal Cymdeithas y Gymanwlad yn 2006 am ei wasanaeth i ddarlledu.

Teyrngedau

Wrth dalu teyrnged iddo, dywedodd Prifysgol Aberystwyth ei fod yn “un o gewri’r diwydiant darlledu yng Nghymru”.

Dywedodd Cyfarwyddwr BBC Cymru, Rhodri Talfan Davies fod ganddo fe “waddol gyfoethog”.

Ychwanegodd: “Chollodd e fyth mo’i gariad at ddarlledu a’i bosibiliadau creadigol di-ddiwedd. Gyda Gareth, roedd yna brosiect newydd bob amser neu syniad newydd i’w ystyried a dadlau yn ei gylch.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed