Mae Heddlu De Cymru wedi cyhoeddi enw’r ail ddyn a fu farw mewn damwain draffig angheuol yng Nghaerdydd dros y penwythnos.
Roedd Alex Davidson, 19 oed, yn dod o Aberdâr, ac fe fu farw ar ôl i’r cerbyd – Ford Focus llwyd – yr oedd yn teithio ynddo wrthdaro a lori ar y A4232 fore dydd Sadwrn (Awst 4).
Yn gyd-deithwyr iddo oedd Robert Bambridge, 24 oed, o Bont-y-pŵl ac un dyn arall sydd heb ei enwi.
Bu farw’r tri yn ystod y digwyddiad, ac mae’r heddlu wedi cadarnhau bod gyrrwr y lori wedi llwyddo i oroesi heb anafiadau difrifol.
“Cael ei garu gan bawb”
Mewn teyrnged iddo, mae teulu Alex Davidson yn dweud ei fod yn berson “hapus a chariadus ac yn dad arbennig”.
“Doedd gan Alex ddim gelynion ac roedd yn cael ei garu gan bawb,” meddai’r datganiad.
