Cynnal pleidlais o ddiffyg hyder yn Alun Cairns ym Mae Caerdydd

Diweddarwyd  
Llun pen ac ysgwydd ar gefndir gwyn

Alun Cairns

Llun: Ceidwadwyr Cymru

Bydd Aelodau Cynulliad yn cynnal pleidlais fory (dydd Mercher, Mehefin 27), i benderfynu a fyddan nhw’n datgan diffyg hyder yn Ysgrifennydd Gwladol Cymru, Alun Cairns.

Daw’r cam yn sgil cyhoeddiad Llywodraeth San Steffan ddoe na fyddan nhw’n buddsoddi ym Morlyn Llanw Bae Abertawe, gan nad yw’n cynnig “gwerth am arian”.

Roedd y cyhoeddiad wedi bod yn hir yn dod – roedd 18 mis wedi pasio ers cyhoeddi adroddiad ar y mater – ac yn ôl Llywodraeth Cymru mae’r penderfyniad yn “ergyd caled” i’r wlad.

Y cynnig

Yr Aelod Cynulliad Plaid Cymru, Rhun ap Iorwerth, sydd wedi cyflwyno’r cynnig a fydd yn destun dadl a phleidlais brynhawn Mercher (Mehefin 17).

Mae’r cynnig yn galw ar Aelodau Cynulliad i ddatgan diffyg hyder yng ngallu Alun Cairns “i gyflawni prosiectau seilwaith mawr”.

Ac mae’n cynnig bod aelodau yn datgan diffyg hyder yn swydd Ysgrifennydd Gwladol Cymru, a’n galw bod y swydd yn cael ei “ddileu a’i disodli”.

I gymryd lle’r rôl yma, byddai cyngor o weinidogion yn cael ei sefydlu – cyngor o weinidogion â phwerau cyfartal, a byddai’n gwneud penderfyniadau ar y cyd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed