Golygydd Radio Cymru “dan warchae” meddai blogiwr

Diweddarwyd  
Logo Radio Cymru

Heddiw, fe ddaeth cyhoeddiad Betsan Powys ei bod am roi’r gorau i olygu Radio Cymru yn yr hydref. Ond mae’n bosib fod blogiwr am fyd y cyfryngau wedi awgrymu ers rhai wythnosau nad oedd pethau’n rhy dda yn Llandaf.

Yn ei sylwadau ben bore ar ‘Trading as WDR’ ar Fai 30, roedd y blogiwr Bill Rogers yn disgrifio Golygydd Radio Cymru fel bos “dan warchae”, yn ceisio chwilio am ffyrdd newydd o ddal gwrandawyr, a hithau ar y pryd yn edrych ymlaen at wythnos o ddarlledu o Eisteddfod yr Urdd.

Bryd hynny, fe fyddai Betsan Powys newydd gael ffigurau gwrando diweddaraf y corff RAJAR, a oedd yn dangos fod tua 121,000 o bobol yn gwrando ar Radio Cymru bob wythnos.

“A ydw i’n synhwyro ychydig o heresi Cymreig gan olygydd dan warchae BBC Radio Cymru, Betsan Powys?” meddai blogiad Bill Rogers am 9.40yb, dydd Mercher, Mai 30, 2018.

“Rhyw arlliw, dim ond arlliw, o ymdeimlad fod wythnos gyfan o ddarlledu o’r brifwyl ieuenctid ddim yn ffordd o ddenu pobol i wrando?”

Dyna pam, ydi awgrym Bill Rogers, y penderfynodd Betsan Powys roi arlwy Radio Cymru 2 ymlaen yn y prynhawniau yn ystod wythnos yr Urdd ar faes y Sioe Fawr yn Llanelwedd, gan gynnig “dewis arall” ar wahân i’r brif sianel a oedd yn darlledu’r cystadlu yn ddi-dor.

Ail donfedd Radio Cymru 2 ydi prif brosiect Betsan Powys yn ystod ei phum mlynedd wrth y llyw yn Radio Cymru. Fe lwyddodd i berswadio Rheolwr Cymru, Rhodri Talfan Davies, i gael cynnal cynllun peilot, a gwneud cais am arian ychwanegol er mwyn lansio’r gwasanaeth newydd ddiwedd Ionawr eleni.

Mae Bill Rogers yn blogio ar faterion yn ymwneud â byd darlledu, ac ar faterion mewnol y BBC yn benodol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?