Pencadlys cwmni dŵr “i aros yng Nghymru”, nid symud i Darlington

Diweddarwyd am  

Llun parth cyhoeddus CC0

Bydd cwmni dŵr yng ngogledd Cymru yn parhau i weithredu o’r un pencadlys yn Wrcesam, yn ôl perchnogion newydd.

Bellach dan berchnogaeth Hafren Trent, bydd cwmni Dŵr Dyffryn Dyfrdwy yn newid ei enw i Hafren Dyfrdwy ym mis Gorffennaf – enw uniaith Gymraeg.

Roedd yna bryder y gallai’r cwmni fod yn symud swyddfa, yn enwedig gan fod llythyrau at gwsmeriaid yn arddel cyfeiriad yn Darlington, gogledd Lloegr.

Ond mae golwg360 wedi cael cadarnhad gan Hafren Trent mai ar Heol Packsaddle yn Wrecsam y  bydd y pencadlys yn aros.

Beth sydd yn Darlington?

Mae llefarydd ar ran Hafren Trent wedi cadarnhau mai cyfeiriad “canolfan prosesu” sydd yn Darlington – safle sy’n cael ei ddefnyddio i brosesu gohebiaeth a llythyrau.

Mae cwmni hefyd wedi cadarnhau na fydd unrhyw swyddi’n cael eu colli yn dilyn yr ailwampio. Cwmni o Loegr yw Hafren Trent, gyda’i bencadlys yn Coventry.

O Orffennaf 1 ymlaen, bydd 35,100 o gartrefi, a 3,900o fusnesau, ym Mhowys a Sir Fynwy sy’n gwsmeriaid Hafren Trent ar hyn o bryd, yn troi’n gwsmeriaid ‘Hafren Dyfrdwy’.

Bydd y rhain yn ymuno â chwsmeriaid Dŵr Dyffryn Dyfrdwy eraill o Gymru, gyda’r 49,700 cartref yn Lloegr sydd yn gwsmeriaid Dŵr Dyffryn Dyfrdwy, yn troi’n gwsmeriaid Hafren Trent.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?