Love Island: “Rhaid ymuno am y rhesymau cywir”, meddai cyn-enillydd

Diweddarwyd am  
Logo Love Island

Love Island

Llun: ITV2

Mae’r Gymraes a enillodd y gyfres deledu realiti, Love Island, wedi dweud ei bod hi’n gobeithio y bydd cystadleuwyr y gyfres newydd yn chwilio am gariad, yn hytrach nag enwogrwydd.

Mi gafodd Amber Davies o Ddinbych, ynghyd â’i chyn-gariad, Kem Cetinay, eu henwi’n enillwyr y gyfres y llynedd, gyda’r ddau’n pocedi £50,000 o wobr ariannol yr un.

Ond ychydig wythnosau ar ôl i’r gyfres ddod i ben, fe ddaeth y cyhoeddiad bod y berthynas rhwng y ddau wedi dod i ben, a hynny oherwydd nad oedden nhw’n teimlo ei bod yn “gweithio”.

“Roedd Kem a fi mewn dwy sefyllfa wahanol yn ein bywydau,” meddai’r Gymraes sydd bellach yn byw yn Llundain.

“Roedd e’n byw gyda’i rieni, a fi oedd ei gariad cyntaf, lle roeddwn i wedi cael sawl perthynas ac wedi symud i Lundain yn 16 oed i fyw’n annibynnol.”

‘Chwilio am gariad, nid enwogrwydd’

Ar drothwy’r gyfres newydd wedyn, a fydd yn cychwyn ar ITV2 heno (dydd Llun, Mehefin 4)  mae Amber Davies wedi dweud ei bod hi’n gobeithio y bydd pobol yn mynd i ynys y cariadon am y “rhesymau cywir”, sef i chwilio am gariad.

“Doedd gennym ni ddim syniad pa mor fawr y byddai’r peth yn tyfu, felly roeddem ni i gyd yno am y rhesymau cywir, a dw i’n gobeithio y byddan nhw felly eleni hefyd,” meddai eto.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed