Ymchwilio i droseddau casineb yng Nghasnewydd

Diweddarwyd am  

Mae Heddlu Gwent yn ymchwilio i gyfres o droseddau casineb yn ardal Casnewydd dros benwythnos Gŵyl y Banc.

Cawson nhw eu galw am 9.50 fore Llun ar ôl i’r Neuadd Masonaidd gael ei rhoi ar dân a bod difrod sylweddol i allanfa dân yr adeilad. Mae lle i gredu bod y weithred yn un fwriadol.

Am 12.05 brynhawn dydd Llun, roedd adroddiadau bod graffiti sarhaus ar gampws Canol y Ddinas Prifysgol Cymru yng Nghasnewydd.

Mewn trydydd digwyddiad am 2.40 fore Mawrth, roedd rhywrai wedi llwyddo i gael mynediad i Ysgol Basaleg drwy ffenest, wedi cynnau tân ac wedi rhoi graffiti sarhaus ar yr adeilad.

Roedd nifer o adroddiadau eraill am graffiti ar draws y ddinas, ond dydy’r heddlu ddim yn gwybod ar hyn o bryd ai’r un rhai oedd yn gyfrifol am bob achos.

Dywedodd llefarydd ar ran yr heddlu eu bod nhw’n cymryd pob achos “o ddifrif”.

Dylai unrhyw un â gwybodaeth gysylltu â Heddlu Gwent ar 101.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed