Cyfarfod cyhoeddus i drafod dyfodol Y Fro Gymraeg

 

Adam Price AC

Llun: Plaid Cymru

Fe fydd cyfarfod yng Nghaernarfon heddiw (dydd Sadwrn, 26 Mai) i drafod dyfodol Y Fro Gymraeg.

Mudiad Dyfodol i’r Iaith sydd wedi trefnu’r cyfarfod yn y Galeri i ystyried effaith Brecsit ar ddyfodol y Gymraeg yn ei chadarnleoedd.

Rhan o’r drafodaeth fydd ystyried Arfor, awdurdod newydd yn y gogledd a’r gorllewin lle mae’r Gymraeg yn wynebu heriau.

Mae Cyfrifiadau diweddar yn dangos bod y Gymraeg yn colli tir yn ei chadarnleoedd, a bod allfudo ac ymfudo’n newid demograffeg cymunedau gwledig.

Mae’r cyfarfod yn dechrau am 11 o’r gloch.

Arfor

Fe fyddai Arfor yn un o’r “atebion radical” y mae Dyfodol i’r Iaith yn barod i’w hystyried yng nghadarnleoedd traddodiadol y Gymraeg.

Fe fyddai’n gwasanaethu cymunedau Cymraeg yn y gogledd a’r gorllewin, sef Môn, Gwynedd, Ceredigion a Chaerfyrddin, gan ganolbwyntio ar gyflwr yr iaith, yr economi a’r diwylliant.

Yn ystod y cyfarfod, fe fydd Aelod Cynulliad Plaid Cymru, Adam Price yn rhannu ei weledigaeth ar gyfer cynllun Arfor.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?