Pryder am gyflwr cerflun Aneurin Bevan ym mlwyddyn fawr yr NHS

Diweddarwyd am  

Cerflun Aneurin Bevan

Llun: golwg360

Mae aelod o Gymdeithas Sifil Caerdydd wedi mynegi pryderon am gyflwr cerflun o sylfaenydd y Gwasanaeth Iechyd Gwladol (NHS).

Mae’r cerflun o Aneurin Bevan ar dop Heol y Frenhines y brifddinas yn aml wedi’i orchuddio â baw adar.

 chynghorau’n wynebu cyni ariannol, mae Cadeirydd y gymdeithas, Nerys Lloyd-Pierce, yn cydnabod eu bod “mewn sefyllfa anodd”. Ond, mae hefyd yn pryderu bod materion – gan gynnwys gofal cerfluniau o ffigyrau nodedig – bellach yn cael eu “hesgeuluso”.

At hynny, mae eleni’n 70 mlynedd ers sefydlu’r NHS, ac mae disgwyl tipyn o hel atgofion pan ddaw hi’n Orffennaf 5, yr union ddyddiad.

“Amharchus”

“Dyw e ddim yn edrych yn dda iawn, pan mae ymwelwyr yn dod,” meddai wrth golwg360. “A does yna ddim gwaith cynnal a chadw. Mae peidio â chadw’r cerflun yn lân, braidd yn amharchus.

“Ond dw i hefyd yn deall bod pethau’n galed i’r Cyngor o ran cyllid. Felly, mae popeth wedi dioddef yn sgil hynny… Mae eu cyllideb mor dynn, dyw pethau ddim mor hawdd ag yr oedden nhw.

“Er hynny, buaswn i ddim yn beio’r adar! Ein cyfrifoldeb ni yw glanhau’r baw.”

Toriadau Llywodraeth y Deyrnas Unedig sy’n gyfrifol am rwystro awdurdodau lleol Cymru rhag “gwireddu’u cyfrifoldebau”, meddai Nerys Lloyd-Pierce.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed