A ydi Aelodau Cynulliad UKIP yn ceisio cael gwared â Neil Hamilton?

Diweddarwyd am  
Llun pen ac ysgwydd ar gefndir gwyn

Neil Hamilton, arweinydd grwp UKIP yn y Cynulliad

Llun: Cynulliad Cenedlaethol Cymru CC 2.0

Mae sïon yn dew ym Mae Caerdydd bod rhai o Aelodau Cynulliad plaid UKIP wedi torri’n rhydd o’r grwp yn y Cynulliad ac yn bwriadu sefydlu eu grwp eu hunain.

Mae golwg360 yn deall y gallaui’r aelodau Caroline Jones, David Rowlands a Michelle Brown fynd eu ffordd eu hunain, gan adael arweinydd y grwp, Neil Hamilton a’r unig Aelod Cynulliad arall, Gareth Bennett, ar ôl.

Yn ôl rheolau’r Cynulliad, mae angen o leiaf dri aelod ar bob grŵp ac felly byddai Neil Hamilton a Gareth Bennett yn methu parhau i fod yn rhan o grŵp swyddogol dan y drefn newydd.

Ond mae hefyd yn codi cwestiwn ynglyn â pha grŵp fydd yn cynrychioli UKIP yn y Cynulliad.

Dyw hi ddim yn glir eto os bydd Mandy Jones, sy’n Aelod Cynulliad UKIP na chafodd groeso i ymuno â’r grŵp dan arweinyddiaeth Neil Hamilton, yn ymuno â’r garfan newydd. Fe fyddai hynny’n rhoi pedwar aelod iddyn nhw.

“Cael digon” ar sylwadau Neil Hamilton

Mae’r rhesymau am dorri’n rhydd yn aneglur ar hyn o bryd, ond y si ydi fod rhai wedi “cael digon” ar sylwadau Neil Hamilton wrth drafod polisi urddas a pharch newydd y Cynulliad yn y siambr ddoe (dydd Mercher, Mai 16).

Roedd Neil Hamilton wedi ymatal yn y bleidlais ar fabwysiadu polisi newydd, gan ddweud ei fod yn mynd yn rhy bell ac awgrymu bod gan unrhyw Aelod Cynulliad yr hawl i ddweud beth bynnag fynnan nhw yn breifat.

Mae’n debyg bod yr Aelodau Cynulliad wedi dweud wrtho mewn cyfarfod neithiwr (nos Fercher) nad oedden nhw am fod yn rhan o’r un grŵp ag ef rhagor.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed