Teuluoedd Tawel Fan yn dal yn anhapus

Diweddarwyd am  
Mynedfa Ysbyty Glan Clwyd

Ysbyty Glan Clwyd

Llun oddi ar wefan Bwrdd Iechyd Betsi Cadwaladr

Mae perthnasau cleifion uned iechyd meddwl Tawel Fan yn parhau’n anhapus ar ôl cyfarfod rhai o benaethiaid Bwrdd Iechyd Betsi Cadwaladr yng ngogledd Cymru.

Roedden nhw’n cyhuddo’r swyddogion o osgoi ateb cwestiynau manwl ar ôl i ymchwiliad swyddogol ddweud bod safonau gofal ar y ward “ar y cyfan” yn dda.

Mae hynny’n hollol groes i adroddiad arall fwy na dwy flynedd yn ôl – fe ddywedodd hwnnw bod y sefydliad cyfan yn euog o gam-drin cleifion demensia ac roedd adroddiadau am achosion o gleifion mewn amgylchiadau dychrynllyd.

Yn awr, mae rhai o’r teuluoedd yn cefnogi galwad y Ceidwadwyr yng Nghymru am ymchwiliad pob plaid yn y Cynulliad.

Cyhuddo swyddogion o wrthod ateb

Ar ddiwedd y cyfarfod dwy awr a hanner neithiwr, roedden nhw’n parhau i feirniadu, gan ddweud bod swyddogion wedi gwrthod ateb cwestiynau am achosion unigol.

Maen nhw hefyd wedi gofyn am ymddiheuriad swyddogol.

Mae pedair blynedd a hanner ers pan gaeodd ward Tawel Fan yn Ysbyty Glan Clwyd Bodelwyddan.

Yn ôl Prif Weithredwr y Bwrdd Iechyd, Gary Doherty, fe fyddan nhw’n dechrau edrych ar adroddiadau unigol ac yn llunio cynllun gweithredu i ymateb i’r 15 argymhelliad yn yr adroddiad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?