Y Cymry yw’r mwyaf parod i gefnu ar Facebook

Diweddarwyd am  

O holl bobloedd gwledydd Prydain, y Cymry sydd fwyaf parod i gefnu ar Facebook, yn ôl arolwg newydd.

Â’r cwmni dan y lach am rannu manylion personol defnyddwyr heb eu cydsyniad, mae nifer cynyddol o bobol wedi dechrau dileu eu cyfrifon.

Ac yn sgil arolwg wnaeth holi 2,000 o bobol ledled y Deyrnas Unedig, mae wedi dod i’r amlwg bod pobol Cymru yn arwain y gad.

Mae 12% o Gymry wedi dileu eu cyfrifon ers i fethiant Facebook ddod i’r fei, sydd ychydig yn uwch na’r cyfartaledd ledled gwledydd Prydain, sef 9%.

Yn ogystal, mae pobol Cymru yn fwy gwyliadwrus ers y sgandal, gyda 12% yn dweud eu bod yn llai tebygol o rannu manylion personol ar Facebook erbyn hyn – 10% oedd y ffigwr ledled gwledydd Prydain.

Aberth

“Mae’r arolwg yma yn dangos bod nifer cynyddol o bobol wir wedi cael eu heffeithio gan fethiannau preifatrwydd Facebook,” meddai Charlotte McMillan, sefydlydd Storychest sef y cwmni wnaeth gynnal yr arolwg.

“Mae pobol yn dechrau deall sut mae cwmnïau cyfryngau cymdeithasol yn gweithredu, a sut mae eu busnesau yn gweithio. Maen nhw’n dechrau deall bod eu preifatrwydd wedi’i aberthu.”

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed