Jamie Roberts, Plwmsan a Geraint Jarman i’r Orsedd

Diweddarwyd am  

Geraint Jarman

Llun: Guto Vaughan

Mae Gorsedd y Beirdd wedi cyhoeddi pwy fydd yn cael eu hanrhydeddu yn ystod Eisteddfod Genedlaethol Caerdydd eleni.

Ymhlith yr enwau amlwg sy’n cael eu hurddo eleni mae Ned Thomas, yr academydd a geisiodd sefydlu papur newydd dyddiol Cymraeg; y chwaraewr rygbi rhyngwladol Jamie Roberts; cyfarwyddwr Coronation Street, Terry Dyddgen Jones; a’r darlledwyr John Hardy a Vaughan Roderick.

Fe fydd y dramodydd, y sgriptwraig a’r actores Manon Eames, hefyd yn cael coban; ynghyd â’r digrifwr Ifan Gruffydd o Dregaron; y bardd a’r cerddor, Geraint Jarman; a’r actor sydd fwyaf adnabyddus fel y cymeriad Plwmsan, Mici Plwm.

Er bod y newyddiadurwr, Huw Edwards, yn cael ei anrhydeddu eleni yng Nghaerdydd, ni fydd yn cael ei urddo

Pwy sy’n cael pa liw?

Mae unigolion yn cael eu derbyn i’r Wisg Werdd am eu cyfraniad i’r Celfyddydau, am ennill un o brif wobrau Eisteddfod yr Urdd neu am fod â gradd yn y Gymraeg, Cerddoriaeth neu bwnc drwy gyfrwng y Gymraeg.

Mae’r Wisg Las yn cael ei rhoi am wasanaeth i’r genedl ym meysydd y gyfraith, gwyddoniaeth, chwaraeon, newyddiaduraeth, y cyfryngau neu weithgareddau bro neu genedlaethol.

Enillwyr prif gystadlaethau’r Eisteddfod Genedlaethol yn unig sy’n derbyn y Wisg Wen bellach.

Bydd yr holl unigolion yn cael eu hurddo’n Urdd Derwydd ar fore Gwener yr Eisteddfod, sef Awst 10.

 

 

 

 

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed