Ai Port Talbot fydd cartref canolfan newydd Channel 4?

Diweddarwyd  
Glannau Harbwr Port Talbot

Glannau Harbwr Port Talbot

Llun gan Gyngor Castell Nedd Port Talbot

Dylai Channel 4 sefydlu un o’u canolfannau newydd ym Mhort Talbot, yn ôl y cyngor sir sy’n gyfrifol am y dref.

Ers dechrau mis Mawrth, mae’r darlledwr wedi bod yn chwilio ledled gwledydd Prydain am gartref i dair chanolfan ranbarthol newydd, gan obeithio troi un safle’n bencadlys.

Mae sawl dinas wedi taflu’i het i’r cylch -yn gynnwys Coventry, Glasgow a Chaerdydd.

Ond, â’i mynediad at rwydwaith drenau’r Deyrnas Unedig, a’i hagosatrwydd at briffordd yr M4; Harbwr Port Talbot yw’r lle delfrydol, yn ôl Cyngor Castell-nedd Port Talbot.

“Cryn dipyn i’w gynnig”

“Rwy’n falch ein bod wedi mynegi diddordeb yn yr adleoliad hwn a all fod o bwys mawr,” meddai Rob Jones, Arweinydd Cyngor Castell-nedd Port Talbot.

“Mae’n dangos uchelgais y cyngor ar gyfer economi’r fwrdeistref sirol.

“Rwy’n gwerthfawrogi natur gystadleuol iawn y prosiectau mewnfuddsoddi hyn, ond mae gan Gastell-nedd Port Talbot gryn dipyn i’w gynnig fel lleoliad busnes yn ogystal â thraddodiad yn y sectorau diwylliannol a chreadigol.

“Ynghyd â rhestr hir o actorion byd-enwog, mae’r ardal hon wedi denu llawer o gynyrchiadau ffilm a theledu sylweddol.”

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd