‘Annibyniaeth i Gymru yn anorfod’ – Neville Southall

Diweddarwyd  

Llun: CC0

Mae un o gyn-chwaraewyr pêl-droed enwoca’r wlad wedi dweud wrth gylchgrawn Golwg ei fod yn rhagweld y bydd Cymru yn wlad annibynnol.

Bydd cyn-gôl geidwad Cymru yn annerch cyfarfod ymylol Labour For IndyWales yng Nghynhadledd y Blaid Lafur yn Llandudno’r penwythnos hwn.

Mae Neville Southall yn drydarwr brwd a diddorol ac yn gefnogol iawn o Jeremy Corbyn.

Ac mae hefyd am weld Cymru yn dod yn wlad annibynnol.

“Dw i’n credu y bydd [annibyniaeth] yn digwydd yn hwyr neu’n hwyrach. Hoffwn ein gweld ni yn sefyll ar ein traed ein hunain,” meddai’r cyn-golwr Everton a enillodd 92 o gapiau dros ei wlad rhwng 1985-1997.

“Mae ffordd hir i fynd cyn hynny, achos does dim llawer o fomentwm gennym ni am werthu ein gwlad. Dydyn ni ddim yn grêt am werthu Cymru, dyna beth sy’n fy mhoeni i yn fwy na dim byd arall.”

Bydd Neville Southall yn annerch y cyfarfod Labour For IndyWales yn Oriel Mostyn Llandudno nos yfory am 6.30.

Portread Neville Southall yn rhifyn wythnos yma o gylchgrawn Golwg.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed