Ffrae’r ddadl – digwyddiad heb ei debyg, meddai sylwebydd amlwg

Diweddarwyd  
Jack Sargeant a Carl Sargeant ysgwydd yn ysgwydd

Carl Sargeant a’i fab Jack

Llun: David Taylor

Mae gweithredoedd Llywodraeth Cymru yn bygwth achos llys ar y Cynulliad yn torri tir cwbl newydd, meddai un o sylwebwyr gwleidyddol amlyca’ Cymru.

Does yr un Llywodraeth arall yn y Deyrnas Unedig wedi gweithredu felly, meddai Gareth Hughes ar ei flog: “does dim cynsail i symudiad o’r fath”.

Gyda’r Llywydd Elin Jones wedi gwrthod cais y Prif Weinidog Carwyn Jones i beidio â chynnal dadl ynghylch adroddiad am elfen yn stori marwolaeth Carl Sargeant, mae’n ymddangos y bydd adolygiad barnwrol yn digwydd.

Yn ôl Gareth Hughes, mae hynny’n arwydd o wendid y Llywodraeth.

‘Dewis niwclear’

“Beth bynnag yw’r ddadl gyfreithiol,” meddai’r sylwebydd llawrydd, “mae’r weithred yn edrych eto fel pe bai Llywodraeth Cymru’n bod yn llawdrwm.

“Pam defnyddio’r dewis niwclear ar drothwy pleidlais os nac, wrth gwrs, nad oes ganddyn nhw ddigon o gefnogaeth i ennill y bleidlais?

“Mae’n tynnu sylw at y picil y mae’r Llywodraeth ynddo yn dilyn y digwyddiadau o amgylch ad-drefnu’r cabinet a marwolaeth annhymig Carl Sargeant.”

Y dadansoddiad

Yr awgrym yw y gallai rhai o ffrindiau Carl Sargeant – gan gynnwys ei fab, sydd bellach yn Aelod Cynulliad yn ei le – bleidleisio yn erbyn y Llywodraeth.

Dadl y Llywodraeth yw na ddylai’r adroddiad gael ei gyhoeddi er mwyn gwarchod enwau rhai o’r bobol a roddodd dystiolaeth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed