Protest treisio cyn gêm y Gweilch yn Ulster

 
Placardau gyda sloganau'n galw am ddiwedd at gam-drin menywod

Placardau protest gan Rwydwaith Ffeministaidd Belffast

Llun: O dudalen Facebook Rhwydwaith Ffeministaidd Belffast

Fe fydd rhanbarth rygbi’r Gweilch yn eu cael eu hunain ynghanol protestiadau tros drais yn erbyn merched wrth chwarae yn erbyn Ulster nos fory.

Mae grŵp ymgyrchu yn Belffast yn bwriadu cynnal rali cyn y gêm pro-14 rhwng y ddau dîm ar ôl i lys benderfynu bod dau o chwaraewyr Ulster yn ddieuog o dreisio dynes ifanc yr un noson.

Mae’r grŵp, Rhwydwaith Ffeministaidd Belffast, yn dweud eu bod eisiau newid sut y mae achosion o drais rhywiol yn cael eu trin a newid agweddau at fenywod.

Y cefndir

Mae’r achos llys yn erbyn Paddy Jackson a Stuart Olding wedi creu anghytuno mawr yn Iwerddon – nid yn unig am fod y ddau wedi’u cael yn ddieuog ond oherwydd manylion y ffordd yr oedden nhw wedi trin y wraig ifanc.

Roedd y ddau wedi brolio ar gyfryngau cymdeithasol ar y pryd eu bod wrthi yn “rhostio” dynes ond roedden nhw wedi gwadu ei threisio hi.

Mae gwahanol garfannau o bobol wedi talu am hysbysebion papur newydd yn annog rhanbarth Ulster i wrthod chwarae’r ddau eto neu’n dadlau fel arall.

Fe fydd y rali’n cael ei chynnal yn union cyn y gêm y tu allan i stadiwm Ulster.

  • O ran y rygbi, y newyddion mawr yw y bydd capten y Gweilch, Alun Wyn Jones, yn symud i rif 6 yn y rheng ôl yn hytrach na’i safle arferol yn yr ail reng.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed