£4.2m o arian ‘hwyluso’r Gymraeg’ i 77 o sefydliadau

Diweddarwyd  

Llun: CC0

Mae 77 o sefydliadau yng Nghymru yn mynd i fod yn derbyn hwb ariannol o £4.2m gan Lywodraeth Cymru er mwyn hwyluso’r defnydd o’r Gymraeg.

Yn ôl Gweinidog y Gymraeg a Dysgu Gydol Oes, Eluned Morgan, mae’r arian yn cael ei roi fel rhan o ymdrech Llywodraeth Cymru i gyrraedd y targed o filiwn o siaradwyr Cymraeg erbyn 2050.

Mae hefyd yn cael ei ddefnyddio i sicrhau nad yw’r Gymraeg yn bodoli “fel iaith y dosbarth yn unig”.

Ymhlith y sefydliadau a fydd yn elwa’n uniongyrchol o’r gronfa hon, mae:

  • Yr Eisteddfod Genedlaethol (£603,000);
  • Cymdeithas Eisteddfodau Cymru (£46,036);
  • Mentrau Iaith Cymru (£110,000);
  • Merched y Wawr (£84,205);
  • Clybiau Ffermwyr Ifanc Cymru (£89,719)
  • Papurau Bro (£87,810)
  • Urdd Gobaith Cymru (£852,184)
  • Cymdeithas Cyfieithwyr Cymru (£50,000).

Cyrraedd y “targed uchelgeisiol”

“Mae cyrraedd miliwn o siaradwyr erbyn 2050 yn darged uchelgeisiol iawn,” meddai Eluned Morgan, “ac er bod addysg yn allweddol i wireddu’r nod yma, mae defnyddio’r iaith bob dydd ym mhob agwedd ar fywyd yr un mor bwysig.

“All y Gymraeg ddim bodoli fel iaith y dosbarth yn unig. Er mwyn iddi ffynnu, mae’n ddyletswydd arnon ni i gyd, siaradwyr y Gymraeg ei defnyddio.

“Mae’r sefydliadau sydd wedi’u hariannu gan y grantiau hyn yn rhoi llawer o gyfleoedd i blant, pobol ifanc ac oedolion i ddefnyddio’r Gymraeg yn gymdeithasol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd