Neuaddau i fyfyrwyr Cymraeg yn Abertawe o fis Medi ymlaen

Diweddarwyd  

Myfyrwyr

Llun: Prifysgol Abertsawe

Mae Prifysgol Abertawe wedi cyhoeddi heddiw y bydd dwy neuadd breswyl newydd ar gyfer myfyrwyr sy’n siaradwyr a dysgwyr Cymraeg.

O fis Medi 2018, bydd Neuadd Preseli ar Gampws Parc Singleton, a Neuadd Emlyn ar Gampws y Bae, yn cael eu rhoi i fyfyrwyr cyfrwng Cymraeg.

Yn ôl y brifysgol, bydd y neuaddau yn rhoi cyfle i fyfyrwyr “gymryd mantais lawn” o’r digwyddiadau cymdeithasol sy’n cael eu cynnal yno trwy gyfrwng y Gymraeg.

Ac mae’n debyg bydd preswylwyr ar y ddau gampws yn agos at gyfleusterau gan gynnwys banc, neuadd fwyd, Undeb Myfyrwyr, a changen Abertawe o’r Coleg Cymraeg.

“Galw ers tro”

“Mae’r datblygiad hwn yn un i’w groesawu’n fawr,” meddai Tomos Watson, Swyddog Iaith Gymraeg Undeb Myfyrwyr Prifysgol Abertawe.

“Mae myfyrwyr y Brifysgol wedi bod yn galw ers tro am neuadd sy’n rhoi cyfle i Gymry Cymraeg fyw yng nghwmni ei gilydd, ac, eleni, mae ein Prifysgol nid yn unig wedi gwrando arnom, ond wedi trefnu dwy i ni!

“Fel Undeb, edrychwn ymlaen yn fawr nawr at groesawu preswylwyr newydd i’r neuaddau hyn ym mis Medi ac at weld y gymuned Gymraeg yma yn datblygu ymhellach.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones