Llofruddiaeth Sanclêr – teyrngedau i ddynes “gariadus a gofalgar”

Diweddarwyd am  
FfionaScourfield

Ffiona Scourfield

Llun Heddlu Dyfed Powys trwy law’r teulu

Mae teyrngedau yn cael eu rhoi i ddynes “gariadus a gofalgar” o Sir Gâr sydd wedi cael ei llofruddio.

Daeth heddlu o hyd i gorff Fiona Scourfield, 54, yn Fferm Broadmoor ger Sanclêr yr wythnos diwethaf.

Cafodd y ddynes ei magu yn Nhalacharn, roedd yn gwirfoddoli ag elusen achub cŵn, ac yn ôl ei theulu bydd “pawb yn gweld eisiau hi.”

“Roedd Fiona yn berson cariadus a gofalgar, a bydd pobol yn ei chofio am ei charedigrwydd, yn enwedig ei charedigrwydd at anifeiliaid,” meddai’r teulu mewn datganiad.

“Hoffwn ddiolch i bawb am eu cefnogaeth yn ystod y cofnod ofnadwy hwn. Mae’n golygu cymaint i’r teulu oll. Hoffwn gymryd amser i alaru, a gofynnwn am breifatrwydd i wneud hynny.”

Y llanc

Bellach mae bachgen 16 oed wedi ei gyhuddo o’i llofruddio, ac wedi ei gadw yn y ddalfa mewn uned ddiogel ar gyfer pobl ifanc.

Mae eisoes wedi ymddangos gerbron Llys y Goron Abertawe, ac mi fydd yn ymddangos yno eto ar Fai 18.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?