Adroddiad: ‘Mae bron i chwarter o bobol Cymru yn byw mewn tlodi’

Diweddarwyd am  
Arian mân ar y bwrdd

Llun parth cyhoeddus

Galw ar Lywodraeth Cymru i gyflwyno diwygiada

Mae bron i chwarter o bobol yng Nghymru yn byw mewn tlodi, yn ôl adroddiad newydd.

Yng Nghymru mae 710,000 o bobol yn byw mewn tlodi, yn cynnwys 185,000 o blant; 405,000 o oedolion; a 120,000 o bensiynwyr.  

Ac o wledydd Prydain, Cymru sydd â’r ganran uchaf o’i phoblogaeth yn byw mewn tlodi, yn ôl adroddiad Sefydliad Rowntree.

O ganlyniad i hyn, mae’r sefydliad yn galw ar Lywodraeth Cymru a’r Deyrnas Unedig i fynd i’r afael â’r broblem trwy gyflwyno newidiadau.

“Llacio gafael tlodi”

“Rydym yn erfyn ar wleidyddion Bae Caerdydd a San Steffan i weithio â busnesau i ail-drefnu’r farchnad swyddi a chartrefi, er lles pobol sy’n byw yn ardaloedd mwyaf difreintiedig Cymru,” meddai Prif Weithredwr Sefydliad Rowntree, Campbell Robb.

“Mae llacio gafael tlodi ar fywydau teuluoedd incwm isel yn hanfodol os yw agenda ffyniant Llywodraeth Cymru i lwyddo. Mae newid yn bosib.”

Argymhellion

Yn yr adroddiad, mae’r sefydliad yn cydlwyno tri argymhelliad i Lywodraeth Cymru, sef:

  • Gweithio gyda busnesau er mwyn creu rhagor o swyddi
  • Lleihau costau trwy adeiladu rhagor o dai fforddiadwy
  • Sicrhau fod pobol ifanc yn gadael yr ysgol â’r sgiliau y maen nhw eu hangen

Mae golwg360 wedi gofyn i Lywodraeth Cymru am ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed