Tân yn difrodi adeilad hanesyddol

 

Tloty Penlan, Caerfyrddin, ar ôl ei ddifrodi gan dân dydd Gwener, 2 Mawrth 2018

Llun gan Alun Lenny

Mae un o adeiladau hanesyddol Caerfyrddin lle digwyddodd un o derfysgoedd Beca bron i ddwy ganrif yn ôl wedi cael ei ddifrodi gan dân mawr.

“Cafodd pobol y dre eu brawychu a’u siomi pan aeth hen Dloty Penlan yn wenfflam bnawn ddoe,” meddai Maer Caerfyrddin, y Cynghorydd Alun Lenny.

“Yr unig fendith yw na chafodd neb niwed yn y tân, ac mae’r diffoddwyr tân i’w canmol yn fawr iawn am rwystro’r fflamau rhag lledaenu i dai ac adeiladau cyfagos eraill.

“Mae i’r Tloty le unigryw yn hanes Cymru. Yn 1843, pan oedd cannoedd o ‘Ferched Becca’ wrthi’n chwalu’r lle mewn protest yn erbyn Deddf y Tlodion, fe ymosodwyd arnynt gan farchfilwyr y Light Dragoons, yn carlamu i fyny’r llethr lle mae Teras Waterloo nawr. Dyma’r ymosodiad olaf erioed gan farchfilwyr ar dir mawr Prydain.

“Ar nodyn personol, fe fûm i’n gweithio fel gohebydd cyntaf Radio Cymru yng Nghaerfyrddin o swyddfa fechan y BBC yn yr adeilad yma o 1978-81.

“Peth diflas oedd gweld y lle, sydd mewn dwylo preifat, yn mynd i’r fath gyflwr gwael cyn y tân, er gwaethaf ymdrechion cynghorwyr lleol y ward honno fu’n pwyso am adfer yr adeilad.”

Ychwanegodd fod yr heddlu wrthi’n archwilio’r safle, ac nad oes neb yn gwybod eto os cafodd y tân ei gynnau’n fwriadol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed