Tywydd oer: galw ar y cyhoedd i gadw llygad ar bobol fregus

Diweddarwyd am  
Llun o frigyn dan eira

Llun: Llun llyfrgell CC0

Wrth i’r rhagolygon tywydd rybuddio am dymereddau isel iawn yr wythnos hon, mae’r cyhoedd yn cael eu cynghori i gadw llygad ar ffrindiau a theulu bregus.

Mae Iechyd Cyhoeddus Cymru (ICC) yn galw ar bobol i “gymryd gofal arbennig” o unigolion mewn angen ac i fod yn wyliadwrus.

“Osgowch amodau oer neu rewllyd yn yr awyr agored os ydych yn wynebu risg uwch o salwch neu gwympiadau sy’n gysylltiedig ag oerfel,” meddai’r ymgynghorydd â ICC, Huw Brunt.

“Ac os ydych yn heini ac yn iach, trafodwch â ffrindiau a chymdogion drefniadau ar gyfer clirio eira ac iâ o’r ardal o flaen eich tŷ a rhodfeydd cyhoeddus gerllaw.”

Mae’r corff hefyd yn rhybuddio bod oerfel yn cynyddu’r risg o ddal afiechydon gan gynnwys y ffliw, ac maen nhw’n galw ar y cyhoedd i gael brechiadau os yn gymwys.

Cyngor ICC

  • Cadwch dymheredd dan do o leiaf 18°C
  • Cadwch lygad ar y rhagolygon tywydd
  • Gwnewch yn siŵr bod gennych gyflenwad digonol o fwyd a meddyginiaeth
  • Ceisiwch am fudd-daliadau tanwydd os yn gymwys

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed