Caerdydd yn rhan o gystadleuaeth griced fawr newydd

 
Llun o un o'r stands yn y Stadiwm SWALEC

Stadiwm SWALEC, cartref Morgannwg yng Nghaerdydd

Llun: WeLoveCricket.com CCA2.0

Fe fydd Caerdydd yn gartref i un o dimau cystadleuaeth griced ugain pelawd fawr newydd Bwrdd Criced Cymru a Lloegr.

Y nod yw cystadlu gyda’r pwncampwriaethau Ugain20 sydd wedi llwyddo’n ysgubol mewn gwledydd fel India ac Awstralia.

Roedd nifer o ddinasoedd wedi cystadlu am yr hawl i gael tîm a, ddoe, fe glywodd Morgannwg y bydd Caerdydd yn un ohonyn nhw.

Yn ôl prif hyfforddwr Morgannwg, Robert Croft, fe allai’r gystadleuaeth “drawsnewid criced yng Nghymru” gan ddod â sylw rhyngwladol i Gaerdydd, a mwy o arian i ddatblygu Morgannwg a sêr y dyfodol.

‘Wrth ein bodd’

“R’yn ni wrth ein bodd” meddai Prif Weithredwr Clwb Criced Morgannwg, Hugh Morris. Fe fyddai’r cyhoeddiad yn “sbardun i dyfu criced yng Nghymru.

“R’yn ni’n credu y gall y gystadleuaeth T20 newydd ddilyn esiampl y Big Bash yn Awstralia drwy ddod â chynulleidfaoedd newydd i mewn, a gyda’r disgwyl y bydd cricedwyr gorau’r byd yn dod i Gaerdydd, all y gêm ddim ond parhau i ffynnu.”

Dinasoedd fydd yn cystadlu yn y bencampwriaeth a fydd yn dechrau yn 2020 ac fe glywodd Morgannwg y bydd Caerdydd hefyd yn cynnal wyth gêm undydd ryngwladol rhwng 2020 a 2024.

Cynnal gemau rhyngwladol yw prif incwm y sir fel bod modd tyfu’r gêm ar lawr gwlad yng Nghymru a datblygu cyfleusterau Academi’r sir ar gyfer y dyfodol.

Gemau rhyngwladol

Dyma restr o’r gemau rhyngwladol a fydd yn cael eu cynnal yng Nghaerdydd rhwng 2020 a 2022.

Fe fydd Morgannwg yn cynnal gemau ugain pelawd a 50 pelawd yn 2023 a 2024, ond does dim cadarnhad eto pa wledydd fydd yn teithio i Gymru a Lloegr.

2020 – Lloegr v Pacistan (gêm ugain pelawd)

2021 – Lloegr v Sri Lanca (gêm ugain pelawd); Lloegr v Pacistan (gêm 50 pelawd)

2022 – Lloegr v De Affrica (gêm ugain pelawd)

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed