Caergybi – angen denu cargo rhyngwladol

 
Llong fferi gyflym a thai yn y cefndir

Llong Stena’n hwylio o Gaergybi

Llun: Golwg360

Mae angen ystyried “syniadau arloesol” a denu llongau rhyngwladol yn ôl i borthladd Caergybi, meddai un o gynghorwyr sir y dref.

Fe fyddai hynny’n un ffordd o leihau effaith gadael yr Undeb Ewropeaidd a’r peryglon o ffin dollau gydag Iwerddon,  meddai Shaun James Redmond.

Mae’n dweud nad yw’r drefn ar hyn o bryd yn ddigon da, gyda dau gwmni’n teithio yn ôl ac ymlaen rhwng Iwerddon – fe ddylai’r porthladd ddatblygu cysylltiadau ehangach, meddai.

‘Pam nad ydy’r rhain yn dod i Gaergybi?’

“Dw i’n edrych allan o’r ffenest yn fy nhŷ a dw i’n gweld llongau yn pasio heibio ar eu ffordd i Lerpwl,” meddai’r cynghorydd sir annibynnol wrth golwg360.

“Mae’r llongau yma yn angori ger Moelfre ar arfordir gogleddol Ynys Môn. Ac maen nhw’n sefyll yna yn aros i’w safle angori ddod yn rhydd yn Lerpwl. A dw i’n meddwl wrtha’ i fy hun – ‘Pam nad ydy’r rhain ddim yn dod i Gaergybi?’”

Mae’n honni bod Stena Line – un o’r ddau gwmni fferi a’r un sy’n gyfrifol am y porthladd – yn amharod i weithio â chwmnïau eraill ac yn colli cyfle i ddenu “nwyddau, buddsoddiad a chyflogaeth bellach.”

Brexit Caled

Trwy ddenu cargo rhyngwladol mae’n dweud y byddai modd “lleddfu problemau Brexit Caled”, meddai Shaun Redmond gan ddweud y dylai gogledd Cymru fanteisio ar ei agosrwydd daearyddol at ogledd Lloegr.

Mae sylwadau’r cynghorydd yn cyd-daro â chyhoeddiad erthygl yn y Financial Times sydd yn awgrymu bod porthladd Dulyn yn paratoi ar gyfer Brexit caled.

Mae golwg360 wedi gofyn i Stena Line am sylw.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?