‘Y pwysau ar Carwyn Jones’ – un o ymgyrchwyr Jack Sargeant

 
Llun o'r gwleidydd o'r ochr

Carwyn Jones

Llun: Cynulliad Cenedlaethol Cymru CC0 trwy Commons Wikimedia

Mae un o gefnogwyr penna’r AC newydd, Jack Sargeant, wedi dweud bod y pwysau bellach yn ôl ar y Prif Weinidog.

Y cwestiwn yn awr, meddai David Taylor, yw sut y bydd Carwyn Jones yn ymateb i fuddugoliaeth mab y dyn yr oedd wedi ei sacio o’r Llywodraeth ac a laddodd ei hun ychydig ddyddiau wedyn.

Fe fydd y pwysau’n fwy fyth oherwydd fod Jack Sargeant wedi cynyddu canran Llafur o’r bleidlais yn isetholiad Alyn a Glannau Dyfrdwy  – arwydd o’r gefnogaeth bersonol iddo ef a’i deulu.

Yn ôl David Taylor, fe fyddi hi’n ddiddorol gweld hefyd sut y byddai Jack Sargeant ei hun yn ymddwyn, meddai wrth Radio Wales: “A yw’n mynd i fod yn ufudd neu’n rhyw fath o wrthwynebiad answyddogol?”

‘Ffrindiau yn y Cabinet’

Fe ddywedodd fod gan Jack Sargeant nifer o ffrindiau o fewn y Cabinet yn y Bae yng Nghaerdydd – cyfeiriad, fwy na thebyg, at ACau eraill o’r Gogledd-ddwyrain, Lesley Griffiths a Ken Skates.

Doedd Carwyn Jones ddim wedi bod yn yngyrchu yn yr etholaeth ac roedd y teulu wedi gofyn iddo gadw draw o gynhebrwng Carl Sargeant.

Mae sylwebyddion gwleidyddol yn awgrymu bod ei ddyfodol gwleidyddol yn dibynnu ar ganlyniad ymchwiliad annibynnol i’r ffordd y cafodd Carl Sargeant ei drin yn dilyn honiadau ei fod wedi ymddwyn yn “amhriodol” ar ferched anhysbys.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd