Bannau Brycheiniog: Dau o’r SAS yn wynebu llys milwrol

Diweddarwyd  
Bannau Brycheiniog

Bannau Brycheiniog

Llun: Parc Cenedlaethol Bannau Brycheiniog

Mae dau aelod o’r SAS yn wynebu llys milwrol mewn cysylltiad â marwolaeth tri milwr wrth gefn yn ystod ymarferiad 16 milltir ym Mannau Brycheiniog.

Mae’r ddau ddyn, sy’n cael eu hadnabod fel 1A ac 1B, yn gwadu perfformio dyletswydd yn esgeulus drwy fethu a chymryd gofal digonol am iechyd a diogelwch yr ymgeiswyr oedd yn cymryd rhan yng nghwrs hyfforddi’r SAS.

Bu farw’r Is-Gorporal Craig Roberts, o Fae Penrhyn, a’r Is-Gorporal Edward Maher, o Gaerwynt, ar ôl gorboethi yn ystod yr ymarferiad yn y Bannau ym mis Gorffennaf 2013.

Bu farw’r Corporal James Dunsby o Wiltshire bythefnos yn ddiweddarach yn yr ysbyty yn Birmingham ar ôl i’w organau fethu.

Roedd 1A ac 1B wedi ymddangos y tu ol i sgrin yn Llys Milwrol Colchester ddydd Llun ynghyd a’u bargyfreithiwr Lewis Cherry.

Fe allai 1A, y swyddog hyfforddiant a oedd yn gyfrifol am yr orymdaith, ac 1B, y prif hyfforddwr yn ystod yr ymarferiad, wynebu hyd at ddwy flynedd yn y carchar neu golli eu swyddi os ydyn nhw’n cael eu canfod yn euog.

Mae’r ddau wedi pledio’n ddieuog i un cyhuddiad o fod yn esgeulus wrth berfformio dyletswydd.

Maen nhw’n wynebu achos yn y Llys Milwrol yn Bulford, Wiltshire ar 3 Medi.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed