Carwyn Jones yn Llydaw i daclo troseddau’r We

Diweddarwyd  
Carwyn Jones o flaen meicroffon

Carwyn Jones

Llun: Lyn Dafis CC 2.0 trwy Commons Wikimedia

Mae Prif Weinidog Cymru yn pwysleisio bod angen i Gymru ac Ewrop gydweithio wrth ddelio gyda’r bygythiadau seibr-ddiogelwch sy’n dod o bob cwr o’r byd.

Mae Carwyn Jones yn Llydaw heddiw i lofnodi cytundeb newydd a fydd yn cryfhau’r cysylltiad rhwng Cymru a’r rhanbarth yn Ffrainc.

Gyda Brexit ar y gorwel, nod y Memorandwm Cyd-ddealltwriaeth yw dangos pa mor bwysig yw hi i barhau i gydweithio gydag Ewrop i ddelio â seibr-ddiogelwch.

Fe fydd Carwyn Jones hefyd yn ymweld â Chanolfan Ragoriaeth Seibr, sy’n cynnig hyfforddiant, ymchwil a chymorth i fusnesau bach a chanolig sy’n gweithio yn y diwydiant seibr.

“Her fyd-eang”

 “Mae diogelwch seibr ac atal ymosodiadau seibr yn her fyd-eang”, meddai Carwyn Jones, “a dim ond drwy gydweithio â phartneriaid rhyngwladol y gallwn ni ymateb iddi.

“Mae’n hanfodol ein bod ni’n parhau ar flaen y gad yn y byd technoleg. Dim ond drwy barhau i weithio gyda phartneriaid ledled y byd a chymryd rhan mewn ymchwil a rhaglenni arloesol Ewropeaid y gallwn ni gyflawni hyn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd