Arweinydd y Ceidwadwyr Cymreig yn fodlon cydweithio â Phlaid Cymru

Diweddarwyd  
Andrew R T Davies, arweinydd y Ceidwadwyr Cymreig

Andrew RT Davies

Llun: Cyynulliad Cenedlaethol Cymru CC 2.0

Fe fyddai arweinydd y Ceidwadwyr ym Mae Caerdydd yn fodlon clymbleidio â Phlaid Cymru wedi etholiadau’r Cynulliad yn 2021 – pe bai hynny’n golygu disodli’r Llywodraeth Lafur.

Wrth annerch y wasg yn y Senedd ddechrau’r wythnos hon, roedd Andrew R T Davies yn ei gael ei hun yn gorfod ateb nifer o gwestiynau am ei arweinyddiaeth, ac am her bosib i’r swydd honno.

Ond roedd ef ei hun yn glir ynglyn â’r gwaith o’i flaen – ac yn fodlon ystyried pob math o gydweithio er mwyn ennill grym ymhen tair blynedd.

“O’n meinciau ni, mae yna farn y gallwn ni gydweithio os yw’r awch yna mewn pleidiau eraill… i ni, y rhwystr mwyaf i ddatblygiad yng Nghymru yw’r Blaid Lafur,” meddai Andrew R T Davies.

“Yn amlwg, mae gennym ni safbwyntiau Ceidwadol, a fyddwn ni byth yn cefnogi annibyniaeth i Gymru fel y mae’r cenedlaetholwyr yn ei wneud…

“Mae Leanne Wood wedi dweud yn glir nad oes diddordeb ganddi o gwbwl i weithio gyda’r Ceidwadwyrm” meddai wedyn. “Dw i’n deall hynny, ond mae’r llanw yn mynd a dod… mae tair blynedd i fynd tan yr etholiad.

Arweinydd yma i aros

Er bod ambell i si yn ffrwtian yng nghoridorau’r Cynulliad y gallai Andrew RT Davies wynebu her i’w arweinyddiaeth, mae ef ei hun yn benderfynol mai fe fydd yn arwain at yr etholiad nesaf yn 2021.

Does neb o fewn y grŵp Ceidwadwyr ym Mae Caerdydd yn son am her i’r arweinyddiaeth, ond mae yna ambell un arall yn darogan y gallai dyddiau Andrew RT Davies fod wedi’u rhifo.

“Mae arweinydd yn arwain wrth gadw hyder y sawl y mae e neu hi’n eu arwain,” meddai Andrew R T Davies wrth annerch y wasg yn y Senedd ddechrau’r wythnos.

“Dw i’n cynnig fy arweinyddiaeth i’r sawl sydd yn y grŵp yn y Cynulliad ac i gydweithwyr yn y Ceidwadwyr Cymreig.

“Dw i ddim yn llai awchus am arwain y grŵp, nac arwain y Ceidwadwyr Cymreig… dw i’n awyddus i ddatblygu achos y Ceidwadwyr Cymreig yma yng Nghymru.

“… Dw i’n bersonol yn barod am y frwydr, yn barod am yr her, ac yn barod i gymryd y syniadau dw i’n meddwl bydd yn symud y Ceidwadwyr Cymreig ymlaen yma yng Nghymru.”

Paul Davies, Aelod Cynulliad Preseli Penfro, yw dirprwy arweinydd y Ceidwadwyr Cymreig ar hyn o bryd.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?