Barman wedi marw ar ôl mynd yn sownd mewn lifft

 

Walkabout Inn, Abertawe

Llun: Jaggery CC 2.0 trwy Commons Wikimedia

Fe fu farw barman yn nhafarn Walkabout yn Abertawe yn 2014 ar ôl mynd yn sownd mewn lifft yn y gweithle.

Clywodd y cwest i’w farwolaeth fod Cyran Stewart, 20, wedi cael anafiadau difrifol pan oedd yn helpu i dacluso’r adeilad yn dilyn noson i fyfyrwyr.

Roedd yn symud cadeiriau o un llawr i’r llall yn y lifft ar ddiwedd y noson pan aeth yn sownd. Fe clywodd ei gydweithwyr floedd, a bu’n rhaid i’r gwasanaeth tân ei ryddhau gan ddefnyddio cyfarpar arbennig i agor drysau.

Clywodd y cwest fod allwedd arbennig i agor y drysau wedi mynd ar goll, a bod rhaid i staff ddefnyddio dolen brwsh i geisio ei ryddhau.

Roedd cadeiriau a oedd yn pwyso 20kg yr un wedi’u gwasgu yn ei erbyn yn y lifft.

Bu farw ar Chwefror 28, 2014, bedwar diwrnod ar ôl mynd yn anymwybodol yn dilyn y digwyddiad.

‘Sawl cwestiwn’

Mae’r crwner, Colin Phillips, yn dweud bod angen ystyried “sawl cwestiwn” cyn dod i benderfyniad ynghylch marwolaeth Cyran Stewart.

Byddai’r rhain yn cynnwys tystiolaeth fod aelod o staff wedi cymryd rheolaeth dros fecanwaith diogelwch i sicrhau bod drws mewnol ar gau cyn symud y lifft yn hytrach na gadael iddo weithio ar ei ben ei hun.

Clywodd y rheithgor fod modd agor y drws â llaw gan ddefnyddio allwedd arbennig.

Roedd y drws mewnol ar agor, meddai’r crwner, a’r lifft yn llawn dodrefn.

Mae’r rheithgor hefyd wedi cael gorchymyn i ystyried y defnydd o’r lifft, a’r weithred o gymryd rheolaeth dros lifft awtomatig.

‘Nid dyma’r tro cyntaf’

Clywodd y cwest gan blismon oedd yn dweud bod digwyddiadau tebyg yn y gorffennol, lle’r oedd cadeiriau’n cael eu symud o un llawr i’r llall yn y lifft.

Bryd hynny, fe fu’n rhaid rhyddhau aelod o staff mewn sefyllfa debyg. Doedd y lifft ddim wedi cael ei ddefnyddio yn unol â’r gyfraith ers 2011, meddai.

Roedd Cyran Stewart a’i frawd Gavin yn gweithio ar y safle ac yn byw mewn llety yno hefyd.

Dywedodd eu mam, Elizabeth Williams ei bod hi eisiau atebion ynghylch marwolaeth ei mab.

Mae’r cwest yn parhau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd