Morlyn Llanw Bae Abertawe: Carwyn Jones yn addo arian

Diweddarwyd am  
Llun pen ac ysgwydd o Brif Weinidog Cymru

Carwyn Jones

Llun: Cynulliad Cenedlaethol Cymru CC 2.0

Mae Prif Weinidog Cymru, Carwyn Jones wedi ymrwymo i fuddsoddi yng nghynllun Morlyn Llanw Bae Abertawe – gan alw ar Lywodraeth Prydain i fwrw ati i roi’r cynllun ar waith.

Mae’n flwyddyn bellach ers i Adolygiad Hendry argymell y dylai’r prosiect fynd yn ei flaen, ond mae Llywodraeth Prydain yn parhau i wrthod buddsoddi ynddo.

Mae Carwyn Jones wedi dweud wrth Brif Weithredwr y cynllun, Mark Shorrock, heddiw ei fod yn barod i roi cefnogaeth ariannol i’r prosiect, a hynny ar ôl iddo anfon llythyr at Brif Weinidog Prydain, Theresa May yn cynnig talu peth o gostau cyfalaf y prosiect.

Mewn datganiad, dywed Carwyn Jones y byddai’r prosiect yn “creu miloedd o swyddi o’r radd flaenaf” ac y byddai’n “diwallu cyfran helaeth o anghenion ynni’r Deyrnas Unedig… gan wneud Prydain yn arweinydd mewn diwydiant byd-eang newydd”.

‘Llywodraeth Prydain yn llusgo’i thraed’

“Ac eto,” meddai, “mae Llywodraeth y Deyrnas Unedig wedi bod yn llusgo’i thraed ers dros flwyddyn.

“Mae hyn yn arwain at ymdeimlad cynyddol o rwystredigaeth ymhlith y gymuned fusnes yng Nghymru a risg cynyddol y bydd diffyg penderfyniad yn troi’n benderfyniad i beidio â bwrw ymlaen.

“Dyma’r amser i Lywodraeth y Deyrnas Unedig roi’r gorau i oedi a mynd ati i gytuno ar bris sefydlog fel y gallwn wireddu’r prosiect trawsnewidiol hwn.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd