Brexit – cyfle newydd i arbed y blaned

Diweddarwyd am  
Patrick Holden Llanbed yn ennill Gwobr Cyfraniad Arbennig Gwobrau Bwyd a Ffermio'r BBC 2017

Patrick Holden Llanbed yn ennill Gwobr Cyfraniad Arbennig Gwobrau Bwyd a Ffermio’r BBC 2017

Llun cythoeddusrwydd y BBC

Mae un o arweinwyr y mudiad ffermio organig yng Nghymru yn dweud bod addewidion Llywodraeth y Deyrnas Unedig ar gyfer y diwydiant amaeth yn cynnig cyfle newydd i arbed y blaned.

“Dw i’n credu bod hwn yn gyfnod cyffrous a phwysig i ffermio yng ngwledydd Prydain,” meddai Patrick Holden, sylfaenydd Ymddiriedolaeth Bwyd Cynaliadwy ac enillydd Gwobr Cyfraniad Eithriadol gwobrau bwyd y BBC eleni.

Mae yna argyfwng yn wynebu’r ddaear meddai wrth i bridd a chynefinoedd gael eu dinistrio oherwydd “ein systemau ffermio a bwyd”.

Canmol Gove

Mae’r ffermwr organig o ardal Llanbed yn hael ei ganmoliaeth i Ysgrifennydd Amaeth Lloegr, Michael Gove, sydd wedi addo system newydd o grantiau yn annog ffermwyr i warchod yr amgylchedd a ffermio’n llai dwys.

Yn ôl Patrick Holden, sy’n ffermio Bwlchywernen Fawr yn Llangybi ac yn cynhyrchu llaeth ar gyfer caws Hafod, dyw e ddim yn cofio’r un Ysgrifennydd Amaeth yn siarad mor glir a gyda syniadau mor radical.

Fe ddywedodd wrth y rhaglen radio World Tonight y byddai llawer o ffermwyr yn croesawu cael symud i systemau ffermio sy’n well i’r amgylchedd os oedd yna achos busnes da tros hynny.

Beth am Gymru?

Dyw Llywodraeth Cymru ddim wedi cyhoeddi eto be fyddan nhw’n ei wneud gyda grantiau amaethyddol wedi Brexit ond maen nhw wedi mynnu mai Cymru fydd yn penderfynu.

Fe fyddai trefn newydd Michael Gove yn Lloegr yn cael gwared ar rai o’r grantiau mwya’ sy’n dibynnu ar faint o dir sydd gan ffermwyr ac yn eu gwobrwyo am “nwyddau cyhoeddus” a “ffermio effeithiol”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?