Heddlu’n chwilio am ymosodwr Gŵyl Pen Draw’r Byd

 

Aberdaron

Llun: Keith Ruffles CC 3.0 trwy Commons Wilkimedia

Mae Heddlu Gogledd Cymru yn ymchwilio i ymosodiad yn Aberdaron ddiwedd haf y llynedd, pan gafodd dyn ei anafu ar benwythnos Gŵyl Pen Draw’r Byd.

Roedd hi tua 9.30yh ar nos Sadwrn, Medi 2, 2017, pan ymosododd rhywun ar ddyn o Ynys Môn o flaen gwesty’r Tŷ Newydd yng nghanol pentref Aberdaron.

Fe gafodd y gŵr ei anafu’n ddifrifol, a dydi o ddim wedi gallu rhoi disgrifiad o’r ymosodwr i’r heddlu. Ond roedd yna gannoedd o bobol yn y pentref ym mhen draw Llŷn y penwythnos hwnnw, ac mae’r heddlu’n gobeithio bod rhywun wedi gweld y digwyddiad ac yn gallu bod o help i’r ymchwiliad.

“Mi wnaethon ni ymholiadau ar y pryd, ac roeddan ni wedi gobeithio y basa rhywun wedi dod ymlaen â gwybodaeth wedi hynny, ond dydi hynny ddim wedi digwydd,” meddai llefarydd ar ran Heddlu Gogledd Cymru.

 

“Ar hyn o bryd, dydan ni ddim yn gwybod beth oedd y cymhelliad y tu ôl i’r ymosodiad, ond rydan ni’n benderfynol o ddod o hyd i’r ymosodwr.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd