Teithwyr trên Cymru ymhlith protestwyr yn erbyn pris tocynnau

 

Tren Arriva Cymru

Llun: commons-wikimedia-CC2.0.jpg

Mae protestiadau yn cael eu cynnal mewn gorsafoedd trenau ledled gwledydd Prydain – yn cynnwys Caerdydd Canolog – wrth i’r rheiny sy’n teithio ar drên wynebu’r cynnydd mwyaf ym mhris tocynnau ers 2013.

Ar gyfartaledd, mae prisau tocynnau ar ddiwrnod gwaith cynta’r flwyddyn wedi codi 3.4%, gyda prhisiau gwasanaethau Trenau Arriva Cymru yn codi 3.3.%.

Mae hynny’n golygu fod pris tocyn tymor ar gyfer siwrne rhwng Castell Nedd a Chaerdydd wedi codi £56 eleni i £1,708.

Mae’n debyg fod aelodau o Undeb Cenedlaethol y Gweithwyr Rheilffordd, Morwrol a Thrafnidiaeth (RMT) yn cynnig losin i deithwyr mewn ambell orsaf fel modd o “felysu pilsen chwerw” y cynnydd.

“Sarhad” i deithiwyr rheilffyrdd

Yn ôl Sephen Joseph, prif weithredwr yr grŵp ‘Ymgyrch am Well Drafnidaeth’, mae’r cynnydd hwn yn “sarhad ar deithwyr”, ac mae grŵp arall, Railfuture, wedi dweud petai prisiau wedi cael eu cysylltu gyda’r Mynegai Pris i Ddefnyddiwr (CPI) ers 2004, yna fe fyddai’r gost 17% yn is erbyn hyn.

Ond mae Adran Trafnidiaeth Llywodraeth San Steffan wedi ymateb trwy ddweud bod y cynnydd mewn prisiau tocynnau eleni yn unol â lefel chwyddiant, gyda 97p allan o bob £1 yn cael ei fuddsoddi’n ôl yn y gwasanaeth trenau.

Mae hyn yn rhan o ymgais y Llwyodraeth i wneud y buddsoddiad mwyaf o’i fath i foderneiddio’r rheilffyrdd ers mwy na chanrif.

“Rydym ni’n buddsoddi yn y gwaith moderneiddio mwyaf o’i fath ar y rheilffyrdd ers oes Fictoria, a hynny er mwyn gwella ein gwasanaethau i’r teithiwr – gan ddarparu trenau cyflymach, gwell a mwy cyfforddus sy’n cynnwys mwy o seddi,” meddai llefarydd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer