Dadorchuddio murlun i ddathlu Blwyddyn y Chwedlau

Diweddarwyd  

Gwaith Pete Fowler

Llun: Llenyddiaeth Cymru

Mae murlun 50 troedfedd o uchder i ddathlu ymgyrch farchnata ‘Blwyddyn y Chwedlau 2017’, wedi ei ddadorchuddio yng Nghaerdydd.

Mae’r darn yn cynnwys ffigyrau chwedlonol Cymreig ac wedi’i osod ar y Tŵr Dŵr eiconig y tu allan i Orsaf Rheilffordd Caerdydd Canolog.

Cafodd ei ddylunio gan yr artist Pete Fowler, sy’n fwy adnabyddus am ei waith celf ar gloriau albymau band y Super Furry Animals.

Mae’r dadorchuddiad yn nodi diwedd prosiect ‘Cymru Ryfedd a Chyfareddol’, lle ymunodd 30 o awduron â Pete Fowler ar daith o gwmpas Cymru.

Amhosib ei fethu

“Mae Cymru Ryfedd a Chyfareddol wedi bod yn brosiect arbennig sy’n cyfuno ysgrifennu creadigol, celf weledol, chwedleua, a hyfforddiant ar gyfer awduron yn chwech o leoliadau Cadw o amgylch Cymru,” meddai Lleucu Siencyn, Prif Weithredwr Llenyddiaeth Cymru.

“Pa well ffordd i ddod â’r daith chwedlonol hon i ben, na thrwy ddadorchuddio’r murlun trawiadol hwn yng nghanol y brifddinas?

“Fedrwch chi ddim ei fethu!”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed