Camdrin neu esgeuluso: 12,000 o oedolion mewn perygl

Diweddarwyd am  
Dwylo person oedrannus

John Stillwell/PA Wire

Mae ffigurau newydd ar gyfer 2016-17 yn dangos bod bron i 12,000 o oedolion yng Nghymru mewn perygl o gael eu camdrin neu eu hesgeuluso.

Roedd dros 9,000 ohonyn nhw’n oedolion dros 65 oed, ac ychydig dros eu hanner nhw’n byw yn eu cartrefi eu hunain.

Mae Age Cymru wedi ymateb i’r ffigurau gan alw am ragor o wasanaethau cymorth, wrth i Lywodraeth Cymru ddweud na fyddan nhw’n “goddef y fath ymddygiad mewn unrhyw ffurf”.

Yn ôl ffigurau’r llywodraeth, arweiniodd 717 o’r 11,761 o achosion o gamdrin neu esgeuluso at 717 o ymchwiliadau troseddol gan yr heddlu a 2,050 o ymchwiliadau lle nad oedd trosedd wedi’i chyflawni.

Yn eu plith, roedd traean o’r achosion yn ymwneud ag oedolion 18-64 oed yn cynnwys camdrin seicolegol neu emosiynol, ac 891 o achosion o gamdrin rhywiol lle’r oedd 279 o achosion yn erbyn pobol dros 65 oed.

 

Yn Rhondda Cynon Taf yr oedd y nifer fwyaf o achosion, gyda thros 2,000 o oedolion mewn perygl – dros ddwywaith nifer yr achosion yn Abertawe, sy’n ail ar y rhestr o’r llefydd lle mae pobol yn wynebu’r perygl mwyaf.

Roedd dros 500 o bobol yn Rhondda Cynon Taf wedi cofnodi’r un math o berygl ddwywaith dros gyfnod o 12 mis.

Yn Rhondda Cynon Taf hefyd y mae’r gyfradd uchaf o oedolion mewn perygl ar gyfer pob 10,000 o bobol.

Cafodd y ffigurau eu casglu o blith yr heddlu, darparwyr gofal, cynghorau, byrddau iechyd ac unigolion.

‘Pryder eithriadol’

Wrth ymateb i’r ffigurau, dywedodd llefarydd ar ran Age Cymru eu bod yn achosi “pryder eithriadol”.

Dywedodd llefarydd ar ran Llywodraeth Cymru fod camau newydd wedi’u cyflwyno’r llynedd i fynd i’r afael â’r sefyllfa.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd