RBS a Nat West yn cau canghennau yng Nghymru

Diweddarwyd am  
L:lun o gangen y Nat West yn Llanbed - y tu allan

Bamc Nat West yn Llanbed

Llywelyn 2000 (CCA3.0)

Mae Banc Brenhinol yr Alban (RBS) wedi cadarnhau wrth golwg360 bod canghennau yng Nghymru ymysg y 259 fydd yn cael eu cau ledled Prydain – 20 yw’r ffigwr tebygol.

Mae’n debyg y bydd tua 70 o ganghennau yng Nghymru a de orllewin Lloegr yn cau, ond dyw’r manylion a’r lleoliadau ddim wedi’u datgelu hyd yma, er fod pryder eisoes am ganghennau yng Ngheredigion.

Mae’r safleoedd fydd yn cau yn cynnwys canghennau yn enw’r RBS ei hun a rhai’r Nat West, sy’n rhan o’r yn cwmni.

Fe fydd effaith ar 1,000 o swyddi gyda 680 o bobol ledled Prydain yn colli eu swyddi.

NatWest a Cheredigion

Daw’r penderfyniad i gau’r canghennau gan fod “mwyfwy o gwsmeriaid yn dewis bancio ar-lein neu’n symudol”, yn ôl llefarydd ar ran RBS.

Mae disgwyl y bydd 197 o ganghennau’r Nat West – gan gynnwys, mae’n debyg, canghennau Aberteifi a Llanbedr Pont Steffan.

Mae Aelod Seneddol Ceredigion, Ben Lake, wedi galw’r penderfyniad yn “ergyd fawr”, ac wedi gofyn i Brif Weithredwr NatWest am gyfarfod i drafod y mater.

Mae banciau eraill eisoes wedi cau eu canghennau yng Ngheredigion, a bellach mae rhai pentrefi – mae Llandysul a Thregaron yn eu mysg – wedi colli pob un o’u banciau.

 “Haeddu gwell”

“Mae’r banciau masnachol hyn yn cefnu fwyfwy ar gymunedau gwledig ar draws Ceredigion,” meddai Ben Lake.

“Llai na degawd ar ôl i drethdalwyr achub eu crwyn pan oedd yr argyfwng ariannol ar ei gwaethaf, maent nawr yn bygwth tanseilio sylfaen ariannol yr economi leol gyfan.

“Rhaid i ni sicrhau bod y model bancio a fydd gennym yn y dyfodol wedi’i wreiddio yn ein cymunedau – ry’n ni’n haeddu gwell na hyn.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd