BBC Radio Cymru 2: darlledu bob bore’r wythnos

Diweddarwyd am  
Logo Radio Cymru

 

Fe fydd BBC Radio Cymru 2 yn cael darlledu o flwyddyn nesaf ymlaen, yn ôl BBC Cymru.

Fe fydd rhaglen gyntaf yr orsaf radio Cymraeg newydd yn cael ei darlledu’n fyw am y tro cyntaf ddydd Llun, 29 Ionawr, ac yn dilyn hynny fe fydd y sioe frecwast ar yr awyr am saith bob bore’r wythnos ar DAB, BBC iPlayer a theledu.

Yn ôl Betsan Powys, Golygydd BBC Radio Cymru, fe fydd yr orsaf newydd yn “dathlu’r ffaith nad yw pob gwrandäwr yn gwirioni ʼrun fath”, ac wrth ddisgrifio’r sioe frecwast fel un “hwyliog, llawn cerddoriaeth, cwmni a chwerthin”, mae’n mynnu y bydd y rheiny sydd ddim eisiau hynny yn dal i fedru mwynhau’r rhaglenni newyddion arferol ar Radio Cymru.

Ac wrth gyfeirio at y cyflwynwyr newydd, dywedodd y “bydd ambell lais yn gyfarwydd iawn, ambell un yn llai cyfarwydd ac ambell lais yn trio rhywbeth newydd …”

“A nod pawb fydd eich darbwyllo chi i droi bob bore at griw Radio Cymru 2 dros frecwast.”

Er hyn, nid yw BBC Cymru wedi cyhoeddi eto pwy fydd cyflwynwyr newydd yr orsaf.

“Arloesi ac arbrofi”

Mewn araith yng Nghanolfan Pontio ym Mangor nos Lun (27 Tachwedd), dywedodd Cyfarwyddwr BBC Cymru, Rhodri Talfan Davies, fod Radio Cymru 2 yn rhan o’r ehangu sy’n digwydd i wasanaethau Cymraeg, a hynny er mwyn ymateb i anghenion cynulleidfa sy’n newid yn gyson.

Cyfeiriodd at boblogrwydd y wefan BBC Cymru Fyw, BBC iPlayer a chyfres S4C, Hansh, fel enghreifftiau o’r modd y mae’r dulliau o gyrraedd cynulleidfaoedd wedi newid yn yr oes ddigidol.

“Dyma gyfnod o arloesi ac arbrofi, wedi ei danio gan gynulleidfaoedd sy’n newid yn ogystal â chwyldro technolegol”, meddai.

“Mae’r newidiadau yn digwydd ar gyflymdra anhygoel, ac mae’n rhaid i ni fynd ymhellach. Y nod yw sicrhau fod yr iaith Gymraeg yn cyrraedd pob cornel o’r dirwedd gyfryngol newydd – yr iaith ar daith.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd