Llanc yn euog o gynllwynio ymosodiad brawychol

Diweddarwyd  
Llys y Goron Birmingham

Llys y Goron Birmingham

Llun: Gwefan y Llywodraeth

Mae llanc a oedd wedi bygwth cynnal ymosodiad brawychol yng Nghaerdydd, wedi’i gael yn euog o bum cyhuddiad o droseddau brawychol.

Yn Llys y Goron Birmingham cafwyd y bachgen 17 oed o Rondda Cynon Taf, na ellir cyhoeddi ei enw oherwydd ei oedran, yn euog o baratoi ar gyfer gweithredoedd brawychol ym mis Mehefin eleni, dau gyhuddiad o annog brawychiaeth ar-lein a dau gyhuddiad o fod a chylchgronau propaganda’r Wladwriaeth Islamaidd (IS) yn ei feddiant.

Cafodd y llanc ei arestio ym mis Mehefin ar ôl chwilio ar y we am fanylion o fesurau diogelwch ar gyfer cyngerdd y canwr Justin Bieber yng Nghaerdydd.

Roedd y bachgen,  a  oedd wedi cuddio cyllell a morthwyl yn ei fag ysgol, wedi cael ei radicaleiddio ar-lein, clywodd y llys.

Yn ystod yr achos, daeth i’r amlwg ei fod wedi ysgrifennu llythyr, a oedd i’w gyhoeddi ar ôl ei farwolaeth, yn dweud ei fod yn “filwr y Wladwriaeth Islamaidd,” a’i fod wedi ymosod ar Gaerdydd “oherwydd mae eich llywodraeth yn parhau i fomio targedau yn Syria ac Irac. Fe fydd rhagor o ymosodiadau yn y dyfodol.”

Roedd nodiadau y cafwyd hyd iddyn nhw yn ei feddiant hefyd yn nodi ei fod yn bwriadu defnyddio cerbyd a’i anelu’n fwriadol at gerddwyr yn ystod yr ymosodiad.

Roedd y bachgen wedi gwadu’r cyhuddiadau yn ei erbyn.

Cafodd ei gadw yn y ddalfa ac fe fydd yn cael ei ddedfrydu ar 10 Ionawr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd