Galw am eglurder ynghylch honiadau o fwlio

Diweddarwyd  

Darren Millar

Llun: Cynulliad Cenedlaethol Cymru CC 2.0

Mae Aelod Cynulliad blaenllaw wedi galw am “eglurder ar frys” gan Carwyn Jones ynghylch faint yn union roedd yn ei wybod am honiadau o fwlio o fewn Llywodraeth Cymru.

Dywed Darren Miller, AC Ceidwadol Gorllewin Clwyd, iddo gyflwyno cwestiwn ysgrifenedig i’r Prif Weinidog ym mis Tachwedd 2014, yn gofyn a oedd wedi derbyn unrhyw adroddiadau o fwlio gan ymgynghorwyr arbenigol yn ystod y tair blynedd cynt.

“Ateb y Prif Weinidog bryd hynny oedd nad oedd unrhyw honiadau wedi cael eu gwneud,” meddai Darren Miller.

“Mae hyn yn gwbl groes i’r hyn a ddywedodd y cyn-weinidog Leighton Andrews mewn cyfweliad ar Radio Wales ddoe, fod o leiaf bedwar gweinidog cabinet wedi codi pryderon ynglŷn â hyn gyda’r Prif Weinidog yn ystod llywodraeth 2011-2016.

“Yn fwy penodol, fe ddywedodd hefyd fod y Prif Weinidog wedi cychwyn ymchwiliad anffurfiol i rai cwynion ym mis Hydref 2014.”

‘Camarwain’

“Os yw hyn yn wir, yna mae rhesymau da iawn dros gredu bod Prif Weinidog Cymru wedi camarwain y Cynulliad a phobl Cymru yn fwriadol, am resymau sy’n anhysbys ar hyn o bryd,” meddai Darren Millar.

Dywedodd fod y Ceidwadwyr Cymreig wrthi’n gwneud ymholiadau pellach, ac os na fyddan nhw’n cael atebion parod gan y Prif Weinidog, y byddan nhw’n defnyddio’r Ddeddf Rhyddid Gwybodaeth.

“Mae arnon ni angen eglurder ar frys gan y Prif Weinidog ynghylch beth yn hollol roedd yn ei wybod am yr honiadau a fwlio bryd hynny, ac a wnaeth ddal gwybodaeth yn ôl yn fwriadol oddi wrth Aelodau Cynulliad.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd