Galw am ragor o gymorth i elusennau awtistiaeth

Diweddarwyd am  
Y gwleidydd wrth y ddarllenfa yng nghynhadledd Plaid Cymru

Aled Thomas

Llun: Aled Thomas

Mae angen i Lywodraeth Cymru ehangu’r ffordd maen nhw’n ariannu awtistiaeth a chynnig cymorth pellach i’r sector wirfoddol.

Dyma safbwynt yr ymgyrchydd Plaid Cymru, Aled Thomas, sydd ei hun ar y sbectrwm awtistiaeth ac sydd am weld gwasanaethau gwirfoddol yn derbyn cymorth pellach.

Mae Aled Thomas yn nodi bod llawer o elusennau’r sector wirfoddol yn cynnig “cymorth llawer fwy arbenigol” ac yn credu nad yw Llywodraeth Cymru yn eu “hadnabod fel angen”.

“Maen nhw dim ond eisiau datblygu’r hyn maen nhw eisiau gwneud,” meddai wrth golwg360. “Wrth ystyried bod £13m ar gael, dydyn nhw ddim yn ei ddefnyddio ar gyfer pob peth sydd angen.

“Mae pethau fel elusennau yn dibynnu ar arian oddi wrth y loteri neu bobol yn rhoi rhoddion. Dylai bod y Llywodraeth yn ehangu’r ffordd y maen nhw’n ariannu awtistiaeth ac i’w ymestyn i’r trydydd sector. Dyna fy nadl i.”

ASCC

Mae Aled Thomas yn tynnu sylw at un elusen benodol o’r drydydd sector sef Sbectrwm Awtistiaeth Cysylltiadau Cymru (ASCC) – elusen sy’n “wych”, meddai.

Yn ôl yr ymgyrchydd mae’r ASCC ar agor trwy’r amser ac yn cynnig cymorth a man cymdeithasu i bobol sydd ar y sbectrwm awtistig.

“Mae’n unigryw dros ben, a dyma’r unig elusen o’i fath yng Nghymru,” meddai. “Yr unig un arall sydd â strwythur yr un fath a’r un hon [yw elusen] yn yr Alban. Does dim un arall heblaw hon yng Nghaerdydd. A dyna ble ydw i ar hyn o bryd!”

Mae’r ymgyrchydd wedi llunio deiseb i Lywodraeth Cymru yn galw am ragor o arian i ASCC.

Mae golwg360 wedi gofyn i Lywodraeth Cymru am ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd