Dafydd Êl yn “methu gwadu na chadarnhau” swydd yn y Cabinet

Diweddarwyd am  
Dafydd Elis-Thomas yn chwerthin

Dafydd Elis-Thomas

Llun: Cynulliad Cenedlaethol Cymru CC2.0

Mae Dafydd Elis-Thomas yn dweud nad yw’n disgwyl ymuno â chabinet Llywodraeth Cymru, wrth i Carwyn Jones barhau â’r broses o ail-drefnu.

Yn ôl yr Aelod Annibynnol, a adawodd Plaid Cymru dros flwyddyn yn ôl, dyw e ddim wedi cael unrhyw wybodaeth am y posibilrwydd o gael swydd yn nhîm newydd Carwyn Jones.

Mae sïon ar led y gallai fod yn cymryd swydd Alun Davies yn gyfrifol am yr iaith Gymraeg.

Dyw’r swydd honno ddim yn y cabinet gan ei bod yn swydd iau fel ‘Gweinidog’ ac nid ‘Ysgrifennydd’.

Er nad yw Dafydd Elis-Thomas yn disgwyl galwad ffôn yn cynnig swyddi iddo, dywed wrth golwg360 nad yw’n gallu “gwadu na chadarnhau dim” am nad yw’n ymwybodol am ddim byd eto.

Methu cadarnhau na gwadu dim

“Dw i heb siarad â’r Prif Weinidog ers o leia’ pythefnos, ac felly dw i ddim yn gwybod beth sy’n mynd ymlaen i ddweud y gwir,” meddai Dafydd Elis-Thomas wrth golwg360.

“Dw i ddim yn disgwyl ymuno â’r Cabinet, nacdw, ond dw i ddim wedi cyfarfod â’r Prif Weinidog ers o leia’ pythefnos, mae hyn yn hollol wir…

“Dw i wedi bod yn siarad â’r Prif Weinidog am bob math o bethau yn arbennig am Brexit, yr Undeb Ewropeaidd a gwahanol bethau ers misoedd gan fy mod i’n Aelod Annibynnol.

“Galla’ i ddim gwadu na chadarnhau dim byd achos dw i ddim yn gwybod dim byd.

“Dw i ddim wedi cael unrhyw wybodaeth gadarn am ddim byd naill ffordd na’r llall… yn sicr dw i ddim yn disgwyl bod yn y Cabinet oherwydd fuasai hynny’n beth anarferol iawn i roi Aelod Annibynnol yn y Cabinet.

“Ond dw i ddim yn gwybod i fod yn hollol onest.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Tywysogion Cymru – pa rai sy’n werth eu cofio?