Anthony Joshua wedi cadw ei deitl yng Nghaerdydd

Diweddarwyd am  

Fe lwyddodd Anthony Joshua i amddiffyn ei deitl pwysau trwm WBA ac IBF y byd yn Stadiwm Principality yng Nghaerdydd nos Sadwrn wrth guro Carlos Takam.

Ac mae’r Sais wedi amddiffyn penderfyniad y dyfarnwr i stopio’r ornest yn y degfed rownd.

Roedd ei wrthwynebydd o Ffrainc yn anfodlon fod yr ornest wedi dod i ben yn gynnar, ac mae e wedi galw am ail gyfle i herio Anthony Joshua.

Roedd hi’n ymddangos nad oedd y penderfyniad yn boblogaidd ymhlith y dorf ychwaith, wrth iddyn nhw leisio’u hanfodlonrwydd.

Ceisiodd Anthony Joshua egluro ymateb y dorf drwy ddweud fod “pobol eisiau gweld fy ngwrthwynebwyr yn anymwybodol bob tro”.

Dywedodd ei hyrwyddwr, Eddie Hearn nad oedd e eisiau stopio’r ornest yn gynnar, gan ei fod e eisiau i Anthony Joshua ennill “yn naturiol”.

Y flwyddyn nesaf

Mae Eddie Hearn wedi dweud ei fod yn gobeithio y bydd Anthony Joshua yn ymladd dair gwaith y flwyddyn nesaf – o bosib yn yr Unol Daleithiau.

Y gobaith yw y bydd yr ornest gyntaf ym mis Mawrth neu Ebrill, ac fe allai orfod amddiffyn ei deitl unwaith eto dros yr haf.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd