Mici Plwm yn dathlu 50 mlynedd Cymdeithas yr Iaith

 


Mici Plwm yn y 1960au
Mae Mici Plwm wedi cyhoeddi y bydd ei Ddisgo Teithiol yn ôl ar y ffordd – yn ystod noson fawr yn Eisteddfod Genedlaethol Wrecsam eleni.

Yn ôl yn y 1960au, fe gafodd ‘DJ Plummy’ ei ysbrydoli gan Gymdeithas yr Iaith i gael gwared â’i gasgliad o recordiau Saesneg a lawnsio’r Disco Cymraeg cyntaf. Dyna pryd hefyd y newidiodd y troellwr ei enw i ‘Mici Plwm’.

Ymwelodd Disco Teithiol Mici Plwm â chlybiau a neuaddau pentref trwy Gymru am ugain mlynedd gan rannu llwyfan gyda bandiau fel Edward H Dafis.

Cymrodd Mici ei hun ran yn ymgyrchoedd Cymdeithas yr Iaith, a derbyniodd ddedfryd o 12 mis o garchar gohiriedig am ddringo Mast Trosglwyddo Llanddona yn rhan o’r ymgyrch dros Sianel Deledu Gymraeg.

Nos Fercher, Awst 3, bydd Cymdeithas yr Iaith yn cynnal gig yng Nghlwb Gorsaf Ganolog Wrecsam i gyhoeddi 2012 yn Flwyddyn Dathlu Hanner Canmlwyddiant Canu Roc a Phrotestio dros y Gymraeg ers sefydlu Cymdeithas yr iaith ym 1962.

“Mae Mici Plwm wedi bod yno ers y cychwyn ac wedi gweld y cyfan,” meddai Osian Jones, trefnydd Cymdeithas yr Iaith yng ngogledd Cymru.

“Mae’n wych y bydd yn cyflwyno’r gig 50 mlwyddiant yn yr eisteddfod gydag ymddangosiadau byw gan Heather Jones, band mawr yr 1980au Maffia Mr Huws, band y 1990au Ian Rush, yn ogystal â bandiau cyfoes Gai Toms a Jen Jeniro.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones