Noson o garchar dros Radio Cymru

Diweddarwyd am  


Carchar Altcourse
Mae protestiwr iaith wedi dweud fod ei benderfyniad i fynd heb fwyd am ei gyfnod dan glo wedi llywio penderfyniad yr awdurdodau i’w ryddhau’n fuan.

Rhyddhawyd Geraint Jones o Garchar Altcourse yn Lerpwl ar ôl un noson, er iddo gael ei ddedfrydu i 10 diwrnod gan y llys.

Roedd yn protestio bod gormod o Saesneg ar Radio Cymru, ac wedi  gwrthod talu dirwy a chostau yn deillio o’i fethiant bwriadol i dalu am drwydded deledu.

“Dyma fi’n dweud wrthyn nhw fy mod i ar ympryd, a newidiodd eu hagwedd yn llwyr,” meddai’r pensiynwr o Drefor oedd y cynta’ i fynd i’r carchar dros yr iaith Gymraeg yn y 1960au.

Mi wnaeth o wrthod swper yn y carchar ar y nos Iau, a brecwast drannoeth a hefyd gwrthod llenwi ffurflen i nodi beth oedd am ddewis fwyta dros benwythnos gŵyl y banc.

“Mi ges i lasiad o ddŵr i ginio dydd Gwener, a dyma nhw’n sylweddoli mod i o ddifri’… ac mi faswn i wedi mynd yr wyth niwrnod heb fwyd hefyd.”

Darllenwch weddill y stori yng nghylchgrawn Golwg, 2 Mehefin

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed