Cyngor Caerffili: Whittle yn camu o’r neilltu

 


Lindsay Whittle
Mae Arweinydd Cyngor Caerffili, Lindsay Whittle, wedi cadarnhau y bydd yn camu o’r neilltu er mwyn canolbwyntio ar ei yrfa newydd yn Aelod Cynulliad.

Cafodd Lindsay Whittle ei ethol yn ymgeisydd dros Blaid Cymru ar sedd De Ddwyrain Cymru yn Etholiadau’r Cynulliad yr wythnos ddiwethaf.

Mae’r dyn 58 oed yn bwriadu rhoi gorau i’w safle ar y cyngor unwaith y bydd olynydd yn ei le, ond mae’n bwriadu dal ei afael ar ei sedd ar y cyngor.

“Mae swydd arweinydd yn un llawn amser a dw i ddim yn credu ei fod yn bosib ymroddi’r amser a’r egni sydd ei angen petawn i’n parhau, ar ôl cael fy ethol i’r Cynulliad Cenedlaethol,” meddai.

“Rydw i’n falch iawn o beth mae Plaid Cymru wedi ei gyflawni yng Nghaerffili. Ni oedd yr unig awdurdod yng Nghymru lwyddodd i osgoi codi trethi cyngor eleni, ac rydyn ni wedi arbed arian heb dorri cyflogau gweithwyr y cyngor a gwasanaethau rheng flaen.

“Fe fyddaf i’n aros yn fy swydd nes bod olynydd wedi ei ethol, a fydd o fewn yr wythnosau nesaf.”

Mae sawl Aelod Cynulliad arall yn gynghorwyr lleol, gan gynnwys AC Gorllewin De Cymru, Peter Black, sydd ar Gyngor Abertawe, ac AC Gogledd Cymru, Aled Roberts, arweinydd Cyngor Wrecsam.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl